რას ნიშნავს მეტლახი და რატომ ჰქვია მეტლახი?
ჩვენს ლეკსიკონში სიტყვა “მეტლახი” ხშირად გამოგვიყენებია. მეტიც, როგორც კი რემონტზე მიდგება საქმე,გამორიცხულია რომ ეს სიტყვა არ გამოვიყენოთ. მეტლახი ჩვენს ლექსიკონში იატაკის ფილას ნიშნავს. ალბათ გეცნობათ ეს ფრაზები: მეტლახი უნდა დავაგო; ან მეტლახი უნდა შევიძინო.
სინამდვილეში სიტყვა მეტლახი უკავშირდება ქალაქ მეტლახს (Mettlach) რომელიც მდებარეობს გერმანიაში. სადაც მე-10 საუკუნეში ე.წ. ქვა–თიხა მასალისგან ამზადებდნენ ფერად ფილებს.
მე-19 საუკუნის დასაწყისში ამ ქალაქში დაარსდა კერამიკული ფილის ფაბრიკა, რომელიც თავდაპირველად მუქი წითელი და ყვითელი შეფერილობის კერამიკულ ლუდის კათხებს ამზადებდა, ხოლო მე-19 საუკუნის მიწურულს მოხდა ტექნოლოგიების დახვეწა და „მეტლახის“ (ანუ ქალაქის) კერამიკამ გაითქვა სახელი მთელს ევროპაში, როგორც კერამიკული ჭურჭლისა და მოსაპირკეთებელი ფილების მწარმოებელმა.
მე-19 საუკუნის ბოლოსა და მე-20 საუკუნის დასაწყისში მეტლახის ფილები რუსეთშიც, განსაკუთრებით სანკტ–პეტერბურგში, ძალიან პოპულარული იყო, სადაც ამ ფილებით ძირითადად კიბის საფეხურებს და ბაქნებს აპირკეთებდნენ. რადგან მეტლახის ფილის გამოწვა ხდება 1200 გრადუს ტემპერატურაზე იგი ძალზედ მყარი მასალაა და ძირითადად გამოიყენება იატაკის მოსაპირკეთებლად.