სარკე - პატარა სივრცის გაფართოების ორიგინალური გზა
სარკე - პატარა სივრცის გაფართოების ორიგინალური გზა
ინტერიერის დიზაინით დაინტერესებული ადამიანებიდან ყველამ იცის, რომ სარკე ოთახს იმაზე დიდს აჩენს, ვიდრე სინამდვილეშია. თუმცა, როდესაც საქმე საკუთარ სივრცეში ახალი ნივთის შემოატანს ეხება, თუნდაც ეს ნივთი უწყინარი და ულამაზესი სარკე იყოს, თითოეული შტრიხი და მოძრაობა ზუსტად უნდა გავთვალოთ.
„სარკეები ყველაზე ხელმისაწვდომი გზაა ბნელი ოთახის გასანათებლად ან მეტი სივრცის გასაფართოებლად, მაგრამ საჭიროა, იცოდეთ, თუ როგორ გამოიყენოთ სარკე, იმისათვის, რომ დასახულ მიზანს მიაღწიოთ“ - ამბობს ვერნ იეპი, ცნობილი ინტერიერის დიზაინერი და HGTV-ის წამყვანი.
როგორ შევარჩიოთ სარკე?
როგორც წესი, ბევრი ადამიანი უშვებს შეცდომას, როდესაც ძალიან პატარა სარკეს იყენებს ან როდესაც, ფიქრობს, რომ პატარა სარკეების დაჯგუფებით შეუძლია მიიღოს მისთვის სასურველი მიზანი, როცა რეალურად, ერთი დიდი სარკეა ყველაფრის გასაღები. გარდა ამისა, ალბათ, თქვენც გაინტერესებთ, რომელი ფორმაა საუკეთესო სივრცის გასაფართოებლად? როგორი ჩარჩო უნდა შევარჩიოთ? კონკრეტულად სად დავკიდოთ სარკე მისი დეკორატიული პოტენციალის მაქსიმალურად გამოსაყენებლად? მაშ, ასე:
ჩარჩო
დიდი ზომის სარკე (გაითვალისწინეთ, რომ რაც უფრო დიდია სარკე, მით უკეთესი), საუკეთესო საშუალებაა ნივთებითა და დეკორაციებით გადატვირთული ოთახის შესამსუბუქებლად, ვინაიდან სარკე ქმნის განცდას, რომ სივრცე რეალურზე დიდია. თუმცა, აქაც, აუცილებელია იცოდეთ, რომ ამ ეფექტის მისაღწევად, სარკეს საკმაოდ უბრალოდ და თხელი ჩარჩო სჭირდება. რაც შეეხება ფორმას, გამოგადგებათ როგორც მრგვალი, ასევე მართკუთხა სარკეც.
სიმაღლე
თუ სარკეს მაინც და მაინც ბუხრის თავზე არ კიდებთ, მისი შერჩევისას, მნიშვნელობა აქვს სიმაღლის განსაზღვრასაც. ოპტიმალური ვარიანტია მისი მორგება საშუალო სიმაღლის ადამიანის თვალის დონეზე: უხეშად რომ ვთქვათ, აიღეთ 155 სანტიმეტრი იატაკიდან სარკის ცენტრამდე. აქვე გეტყვით, რომ თუ სარკეებთან ერთად, კედლებზე ხელოვნების ნიმუშის დაკიდებასაც ფიქრობთ, ზუსტად იგივე წესი ვრცელდება ნახატებსა და პოსტერებზეც. დაკიდებული ნივთების სიმაღლე შესაძლოა გახდეს უწყვეტობის ძაფი, რომელიც სახლის სივრცეს შეკრავს და ერთიანობის შეგრძნებას გააჩენს.
სხვა სიტყვებით რომ ვთქვათ, როდესაც კედელზე ხელოვნების ნიმუშები და კედლის აქსესუარები ერთ სიმაღლეზეა დაკიდებული, მთელი ოთახი უფრო მოცულობითი ჩანს. გაითვალისწინეთ, რომ კედლების სრულად შევსებაც არ არის საუკეთესო გამოსავალი და თავისუფალი სივრცე კედელზეც საჭიროა. როგორც ექსპერტები ამბობენ, სარკე საუკეთესოდ გამოიყურება, თუ მინიმუმ 5-სანტიმეტრიანი საზღვარი მაინც არის ჩარჩოს კიდიდან კედლის ან ჭერის კიდემდე.
სინათლე
როგორც ვიცით, სარკე სინათლეს ირეკლავს, რაც ატმოსფეროს სიკაშკაშეს, ხოლო ზოგადად ოთახს სივრცის შეგრძნებას მატებს. სწორედ ამიტომ, სარკის სიახლოვეს პატარა სანათის დადგმა კიდევ უფრო აძლიერებს ეფექტს. გარდა სანათებისა, ნაცადი და გამართლებული ხერხია სარკეებთან სანთლების გამოყენებაც. მაგალითად, სააბაზანოში ხშირად შეხვდებით სარკის გვერდით კედელზე მიმაგრებულ სასანთლეს, რომელსაც საღამოს საათებში ანთებენ, ვინაიდან სანთლის სხივი ძალიან ლამაზად ირეკლება სარკეში და განსხვავებულ, ეგზოტიკურ ელფერს სძენს ჩვენს სველ წერტილებს.
დიზაინი
პატარა სივრცეებისთვის კარგი გამოსავალია სარკე, რომელსაც ორმაგი დატვირთვა და ფუნქცია აქვს. მაგალითად, ისეთი, რომელსაც თან თავისი თარო ახლავს, ამ მხრივ თავიდან ირიდებთ როგორც ცალკეული სადგამის ან მაგიდის არსებობის აუცილებლობას, ასევე, განსხვავებული შტრიხი შეგაქვთ ინტერიერშიც. გარდა ამისა, შემოსასვლელისა და დერეფნებისთვის, კარგი არჩევანია მრგვალი სარკეების დაკიდება კედლის საპირისპიროდ იმისათვის, რომ კედლის არეკვლით კიდევ უფრო დიდი სივრცე წარმოაჩინოს.
სად შევიძინო სარკე?
როგორც ხედავთ, სარკე ორიგინალური და ხელმისაწვდომი საშუალებაა იმისათვის, რომ სახლის სხვადასხვა ოთახი განტვირთოთ და გააფართოოთ. მაშინ, როცა სარკის გამოყენებით მარტივად აღწევთ შეამჩნევ შედეგს და სახლსაც ძალიან ალამაზებთ, მნიშვნელოვანია ვიცოდეთ თუ სად შევიძინოთ ისეთი სარკე, რომელიც აბაზნააში დაკიდების შემთხვევაში გაუძლებს ტენიანობას და ზოგადად მოხმარებისას, დორსთან ერთად არ გაიჩენს ლაქებს. მათ, ვისთვისაც ადეკვატურ ფასთან ერთად, ხარისხი და პროდუქტის სანდოობაც მნიშვნელოვანია, სავაჭრო ცენტრი "იდეალი" ესპანური და უკრაინული წარმოების სარკეებს სთავაზობს. ბრენდის ფილიალებში შეხვდებით ისეთი ცნობილ ბრენდებს, როგორიცაა, მაგალითად, Juventa, Ordonez და Royo Group.
