კერამიკული ფილა (ისევე როგორც კერამგრანიტი) როგორც წესი, ორი ძირითადი - პრიალა და გლუვი ზედაპირით გვხვდება.ორივე მათგანი უმაღლესი ხარისხის ბრენდებით არის წარმოდგენილი სავაჭრო ცენტრში „იდეალი“, თუმცა არსებობს გარკვეული თავისებურებები, რომელიც მათი შერჩევისას უნდა გავითვალისწინოთ.



 მოდით პირველ რიგში გავიგოთა რა სხვაობაა გლუვ (“მატოვსა”) და პრიალა ზედაპირის მქონე ფილებს შორის. პრიალაც და გლუვი ზედაპირის მქონე ფილაც გამოიყენება როგორც კედლის, ასევე იატაკის მოსაპირკეთებლად. ისინი განსხვავდება დიზაინის მხრივ და ზოგადად ეფექტის მხრივ. მოვლის თვალსაზრისით პრიალა კერამიკული ფილა მეტად ადვილია, მხოლოდ რეკომენდირებული არ არის პრიალა ფილის საშხაპეში დაგება, ვინაიდან დიდია ფეხის მოცურების საშიშროება.
    პრიალა ფილები უფრო ღრმა და მკვეთრ ვიზუალურ ეფექტს იძლევა. მნიშვნელოვანია ფილის ერთგვაროვანი, სარკისებრი სიპრიალე, ეს მაღალი ხარისხის ერთ – ერთი ნიშანია.  პრიალა ფილა, გლუვთან შედარებით, მეტად იკაწრება, თუმცა რაც უფრო მაღალი ხარისხისაა, ეს მით უფრო გვიან ხდება.

პრიალა კერამიკული ფილა მარტივი მოსავლელია, არ არის ფოროვანი, არ რჩება რელიეფზე ნაფეხურები, თუმცა სრიალებს, რაც ინტერიერში გასათვალისწინებელია.
        გლუვი ფილა რელიეფურია, რაც მოვლას ართულებს, არ არის სასურველი მისი გამოყენება სამზარეულოში, შემოსასვლელში,  მაღაზიაში, სადაც ხშირი საწმენდი
ხდება და მეტი ლაქაა მოსალოდნელი. იდეალურია წყალთან, რადგან უხეში ზედაპირი არ სრიალებს და იდეალურად ერგება აუზის მიმდებარე, აივნის, ან სააბაზანოს ზედაპირს.
      როგორც აღვნიშნეთ, პრიალა ზედაპირის მოვლა გაცილებით მარტივია, ამისათვის უბრალოდ სველი ნაჭერიც საკმარისია;



გაურკვეველი სითხეებისა და მჟავების ხმარება არ არის რეკომედებული არც პრიალა და არც გლუვი ზედაპირის მქონე კერამიკულ თუ კერამოგრანიტის ფილასთან.
         რელიეფური, გლუვი ფილის მოსავლელად იდეალურია ხაოიანი ჯაგრისი. მეტი ვიზუალური ეფექტისთვის, ორივე ზედაპირს, შეგვიძლია სპეციალურად მათი სახეობისთვის განკუთვნილი საწმენდი სითხეებით მოვუაროთ.