როგორ მოვაწყოთ იდეალური აბაზანა

ნებისმიერი ადამიანისთვის სახლი განსაკუთრებული ადგილია, სადაც დამღლელი დღის შემდეგ, თავისუფლად შეგვიძლია ვიყოთ ის, ვინც ვართ, დავისვენოთ ისე, როგორც მოგვესურვება: განვმარტოვდეთ, ან თუნდაც მეგობრებთან ერთად სასიამოვნო ვახშმითა და საუბრით ვისიამოვნოთ. 

მიუხედავად იმისა, რომ ერთი შეხედვით, თითოეული ოთახის მოწყობა თანაბრად მნიშვნელოვანია, მათ, ვინც ხარისხიანად გატარებულ პირად დროსა და სრულ რელაქსაციას განსაკუთრებულ მნიშვნელობას ანიჭებს, აბაზანა მაინც გამორჩეულად საყვარელი სივრცეა. სწორედ ამიტომ, იდეალური აბაზანის მოსაწყობად, მნიშვნელოვანია, თითოეული დეტალი კარგად ნაფიქრი და გათვალისწინებული გვქონდეს, განსაკუთებით კი - ჯაკუზი თუ დუშკაბინა, აბაზანის აქსესუარები და ხელსაბანი. ამ ბლოგში სწორედ ამ 3 მნიშვნელოვან საკითხს შევეხებით, რაც ვფიქრობთ, იდეალური აბაზანის მოწყობაში დაგეხმარებათ: 

ხელსაბანი

ხელსაბანი ერთ-ერთი ყველაზე ხშირად მოხმარებადი საგანია, როცა საქმე აბაზანას ეხება. სწორედ ამიტომ, მისი სწორად შერჩევა განსაკუთრებით მნიშვნელოვანია. გარდა იმისა, რომ ხელსაბანი კარგად უნდა ერგებოდეს აბაზანის დიზაინს, ასევე საჭიროა, რომ ფუნქციური მოხმარების კუთხითაც, კომფორტული და ხარისხიანი იყოს: 

• ზომა - დააკვირდით, აბაზანის კვადრატულობასა და კონკრეტულად იმ სივრცეს, სადაც ხელსაბანი იქნება განთავსებული. ყურადღება მიაქციეთ, რომ არც ძალიან პატარა ხელსაბანი აარჩიოთ და არც ზედმეტად დიდი. 
• მასალა - თუ რაიმე განსაკუთრებული ზომისა და ფორმის ხელსაბანს არ ამზადებთ, მაშინ ერთ-ერთი ყველაზე კარგად დაცდილი მასალა კერამიკაა. კერამიკა არ იტოვებს ლაქებს, მარტივად იწმინდება და ასევე, ნებისმიერი გემოვნების ადამიანისთვის, ელეგანტური ვიზუალი აქვს. 
• ტიპი - ფორმისა და ზომის გათვლის შემდეგ, მნიშვნელოვანია, ისიც ვიცოდეთ, რომ ნიჟარები სხვადასხვა ტიპის არსებობს და სწორედ ამის მიხედვით გადავწყვიტოთ რომელი იქნება ჩვენთვის ყველაზე ხელსაყრელი: დასადები, ზემოდან დამონტაჟებული, კედელზე დამაგრებული, თუ დასადგამი, რომელსაც თავისივე კერამიკული ფეხი აქვს. 

ჯაკუზი 

ამბობენ, რომ ჯაკუზი კაცობრიობის ისტორიაში, ერთ-ერთი ყველაზე სასიხარულო მიგნებაა. გარდა იმისა, რომ ჰიდრომასაჟორით აღჭურვილი აკრილის ჯაკუზი ელეგანტურობის გამოხატულებაა, ჯაკუზს ისეთი დადებითი თვისებები გააჩნია, რომელსაც აბაზანის სხვა მოწყობილობები ნაკლებად გვთავაზობენ. 

მათთვის, ვისაც სპა და განტვირთვა უყვარს, იდეალური აბაზანა ჯაკუზის გარეშე, შეიძლება ითქვას, რომ წარმოუდგენელია. სწორედ ამიტომ, სახლის მოწყობისას, ჯაკუზის შეძენა ჩვენი გონების, სხეულის და სახლისათვის ერთ-ერთ ყველაზე გამართლებულ ინვესტიციად მიიჩნევა ხოლმე. იმ მრავალი მიზეზიდან, თუ რატომ არის ჯაკუზი საუკეთესო გადაწყვეტილება, ალბათ, ყველაზე მნიშვნელოვანია ის, რომ ჯაკუზში დროის ხარისხიანად გატარებას შეუძლია ადამიანის ჯანმრთელობა გააუმჯობესოს, პირველ რიგში კი, ჰიდროთერაპია:

• ამსუბუქებს ტკივილებს;
• აღადგენს კუნთებისა და სახსრების მოქნილობას;
• ამცირებს თავის ტკივილს; 
• აუმჯობესებს მგრძნობელობას ინსულინის მიმართ;
• აუმჯობესებს ადამიანის ძილის ხარისხს;
• ხელს უწყობს სტრესისაგან განტვირთვას.  

აბაზანის აქსესუარები

მას შემდეგ, რაც აბაზანის ტექნიკური დაგეგმარება და ვიზუალიზაცია უკვე კარგად არის გათვლილი, მნიშვნელოვანია, რომ მხედველობიდან აბაზანის აქსესუარებიც არ გამოგვრჩეს. იმისათვის, რომ ჩვენ მიერ ჩაფიქრებული დიზაინი მართლაც რეალობად ვაქციოთ, საჭიროა, აბაზანის თითოეული დეტალი, თუნდაც სულ მცირე, ჰარმონიულად ერწყმოდეს ერთმანეთს. იქნება ეს:

• საქაღალდე
• კედლის საკიდი
• პირსახოცის საკიდი
• კედლის სასაპნე
• კედლის განათება
• და სხვა. 

გარდა ამისა, თუ აბაზანაში მომრგვალებული ფორმის ავეჯი გაქვთ, მაშინ, სასურველია აქსესუარებიც ნაკლებად ხისტი კუთხეებით შეიძინოთ. 

მაშინ, როცა იდეალური აბაზანის მისაღწევად 3 უმთავრესი ნაწილი უკვე განვიხილეთ, ჩნდება ლოგიკური შეკითხვა, თუ სად შევძლებთ ყველა იმ მცირე, თუ დიდი დეტალის პოვნას, რომელიც ჩვენს მოთხოვნილებებს დააკმაყოფილებს. იმისათვის, რომ საუკეთესო სამომხმარებლო გამოცდილება შევქმნათ, იდეალში მრავლადაა წარმოდგენილი მოწყობილობები და აქსესუარები აბაზანა-ტუალეტის მოსაწყობად. 

ჩვენს შოურუმში პროდუქციას შეხვდებით მაღალი ხარისხის სანტექნიკის წარმოებით ცნობილი ისეთი ქვეყნებიდან, როგორიცაა გერმანია, ჩეხეთი, იტალია, თურქეთი და ჩინეთი. იდეალში არსებული კოლექციის დათვალიერება, ფილიალში ვიზიტის გარდა, ასევე მარტივადაა შესაძლებელი ჩვენი ვებგვერდის მეშვეობითაც.