10 შეცდომა, რომლებსაც ხშირად უშვებენ კაფელის დაგებისას – და როგორ ავიცილოთ თავიდან

10 შეცდომა, რომლებსაც ხშირად უშვებენ კაფელის დაგებისას – და როგორ ავიცილოთ თავიდან

   კაფელის დაგება ერთი შეხედვით მარტივ პროცესად ჩანს, მაგრამ პრაქტიკაში უამრავი
დეტალი არსებობს, რომლებიც შეიძლება შეუმჩნეველი დარჩეს. ერთი შეცდომაც კი
საკმარისია, რომ შედეგი გაფუჭდეს, ფილები გაიბზაროს ან სამუშაოს თავიდან დაწყება
გახდეს საჭირო.

   აქ შევკრიბეთ 10 ყველაზე გავრცელებული შეცდომა და გთავაზობთ რჩევებს, თუ როგორ
ავიცილოთ ისინი თავიდან.

1. არასწორად მომზადებული ზედაპირი
   ფილა ვერ დაიგება სწორად, თუ ზედაპირი არ არის სათანადოდ მომზადებული.
ხშირად დამწყები ხელოსნები კაფელს აგებენ მტვრიან, ტენიან ან გაუთანაბრებელ იატაკზე.
შედეგი? – ფილები დროთა განმავლობაში ძვრება ან იბზარება.
   იმისთვის რომ ეს ავიცილოდ: ზედაპირი უნდა იყოს სუფთა, მშრალი და გათანაბრებული.
საჭიროების შემთხვევაში გამოიყენეთ თვითსწორებადი ნარევი ან პრაიმერი.

2. შოვების გამოტოვება
   ზოგი კაფელს “შოვის” გარეშე აგებს, რადგან ვიზუალი უკეთესი გამოდის. ვიზუალურად
მართლაც ლამაზი გამოდის. მაგრამ ეს ერთ-ერთი ყველაზე დიდი შეცდომაა. ფილებს
სჭირდება სივრცე (ტემპერატურული) მოძრაობისთვის. ის ფართოვდება და ვიწროვდება.
ასე ვთქვათ “სუნთქავს”.
   როგორ ავიცილოთ: დატოვეთ მინიმუმ 3 მმ შოვი – ეს ამცირებს ბზარების და აზიდვის
რისკს და ფუგის საშუალებით ინტერიერს უფრო დახვეწილ იერს ანიჭებს.

3. არასწორი წებო-ცემენტის არჩევა
   ყველა ფილას ერთნაირი წებო არ უხდება. ხშირად იყენებენ იაფფასიან, „უნივერსალურ“
წებოს, რომელიც მძიმე ან დიდი ფორმატის ფილებისთვის საკმარისი არ არის.
   როგორ ავიცილოთ: შეარჩიეთ შესაბამისი წებო კონკრეტული ტიპის
ფილისთვის – მაგალითად, დიდი ფორმატის ან კერამოგრანიტის ფილებისთვის
გამოიყენეთ ელასტიური და გაძლიერებული წებო, როგორიცაა MAPEI Keraflex Maxi S1.

4. წებოს არათანაბარი წასმა
   ბევრი ხელოსანი წებოს „ლაქებად“, გაფანტულად აგდებს და არ უსმევს მთელ
ზედაპირზე. ასეთი მეთოდი იწვევს ღრუების გაჩენას ფილების ქვეშ და
საბოლოოდ – ბზარებს.
   როგორ ავიცილოთ: გამოიყენეთ კბილანიანი “შპატელი” და წებო, წაუსვით ერთგვაროვანი
ხაზებით, თანაბარ ფენებად მთელ ზედაპირზე, რათა თითოეული ფილა სრულად მიეკრას
ზედაპირს.



5. ფილების წყლით გაჟღენთვა ან ზედმეტი ტენიანობა
   ძველად იყო ასეთი პრაქტიკა, რომ ფილები წყალში უნდა გაჟღენთილიყო. თანამედროვე
ფილები და წებოები ამას აღარ საჭიროებს, ზედმეტი ტენიანობა კი წებოს თვისებებს ასუსტებს.
 როგორ ავიცილოთ ზედმეტი ტენიანობა: ფილა მშრალად დააგეთ. ზედაპირი შეიძლება ოდნავ
ნოტიო იყოს, მაგრამ არა სველი.

6. ფილების ‘თვალით’ გასწორება
„თვალით გასწორება“ ერთ-ერთი ყველაზე გავრცელებული შეცდომაა. ვიზუალურად შეიძლება
სწორი ჩანდეს, მაგრამ დასრულების შემდეგ გადახრები მკვეთრად გამოჩნდება.
 როგორ ავიცილოთ: გამოიყენეთ “ლაზერი” ან სხვა პროფესიონალური ხელსაწყოები – ეს გიცავთ
არათანაბარი ხაზებისა და „უსწორმასწოროდ “ დაგებული ზედაპირისაგან.

7. “ ფუგის” უგულებელყოფა
   ზოგჯერ ხელოსნები ან საერთოდ არ იყენებენ ფუგას, ან იაფ და უხარისხო მასალას არჩევენ.
შედეგი? – წყალი აღწევს ფილების ქვეშ, ჩნდება სოკო და ტენიანობის პრობლემები.
  როგორ ავიცილოთ: გამოიყენეთ წყალგამძლე და ხარისხიანი ფუგა
(მაგალითად MAPEI Ultracolor Plus). სწორად შერჩეული ფერის ფუგა ინტერიერს ელეგანტურ
იერსაც ანიჭებს და პრობლემებისგანაც გიცავთ.

8. მუშაობის დაჩქარება
   „მთავარია მალე მოვრჩე“ – ეს მიდგომა თითქმის ყოველთვის ცუდ შედეგს იძლევა.
არაპროფესიონალ ხელოსნებს სიჩქარეში ბევრი დეტალი შეუმჩნეველი რჩებათ, ამას კი როგორც
წესი, სავალალო შედეგები მოჰყვება ხოლმე. ხშირ შემთხვევებში ხელახალი რემონტიც კი
შეიძლება დასჭირდეს.
   როგორ ავიცილოთ: იმუშავეთ აუჩქარებლად – თითოეული ფილა სწორად დადეთ, შეამოწმეთ
მათი სისწორე, დონე და ღარები (შოვები).

9. ხარისხიანი ხელსაწყოების იგნორირება
   „ხელსაწყო არაფერია, ოღონდ გავაკეთო“ – არასწორი მიდგომაა. იაფი შპატელები და
ინსტრუმენტები ვერ უზრუნველყოფს ზუსტ შედეგს.
   როგორ ავიცილოთ: გამოიყენეთ პროფესიონალური და ხარისხიანი ხელსაწყოები – კბილანიანი
შპატელები, ღარების ჯვრები და სხვა.

10. პროფესიონალის გარეშე მუშაობა
   ერთ-ერთი ყველაზე დიდი შეცდომაა როდესაც არ გაქვს არანაირი გამოცდილება და ცდილობ
საკუთარი ხელით გააკეთო ყველაფერი.
ფილების დაგება ერთი შეხედვით მარტივი ჩანს, მაგრამ ცოდნისა და გამოცდილების გარეშე
შედეგი ხშირად სავალალოც კი დამდგარა.
ამიტომ მოიწვიეთ გამოცდილი ხელოსანი. და თუ თავად გსურთ ყველაფრის გაკეთება შეგიძლიათ
გამოცდილი ხელოსანი როგორც მრჩეველი და ზედამხედველი ისე გამოიყენოთ.
ის დაგეხმარებათ კიდეც და რჩევებსაც მოგცემთ. ამით დაზოგავთ დროს, ნერვებს და ფულსაც.



რჩევა „იდეალისგან“
   კაფელის დაგება პატარა დეტალებისგან იწყება და თითოეულს დიდი მნიშვნელობა აქვს.
შეარჩიეთ სწორი მასალები, ხარისხიანი ხელსაწყოები და პროფესიონალი ხელოსნები.
სწორედ ასე მიიღებთ, არა მხოლოდ საუკეთესო ვიზუალურ შედეგს, არამედ ხარისხობრივსაც.

სავაჭრო ცენტრი იდეალი - იდეალური ხარისხი! იდეალური არჩევანი! 

თბილისი: დ. აღმაშენებლის ხეივანი N71
თბილისი, კახეთის გზატკეცილი N83ა.
ბათუმი: ქ.ბათუმი. ლეონიძის ქ.N7