იტალიური შემრევი ონკანები იდეალის შოურუმში

სავაჭრო ცენტრში "იდეალი" იტალიური ბრენდის M&Z-ის შემრევი ონკანების უახლესი კოლექციებია. ინოვაციურ ტექნოლოგიებზე დაყრდნობით დამზადებული ხელსაბანის და აბაზანის შემრევი ონკანების კორპუსი დაფარულია ლატუნით, რაც იცავს ონკანს კოროზიისა და ჟანგისგან დიდი ხნის განმავლობაში. ხარისხი და დიზაინი M&Z -ის ონკანების კოლექციაში შემავალი თითოეული პროდუქტის დამახასიათებელი ნიშანია. კომპანია განსაკუთრებულ ყურადღებას ამახვილებს, რომ პროდუქციაში მაქსიმალურად იყოს შერწყმული პრაქტიკულობა და ამავდროულად, დახვეწილი დიზაინი, იგრძნობოდეს ნამდვილი იტალიური ხარისხი, ინოვაციური მიდგომები და თანამედროვე ბაზრის მოთხოვნები.

M&Z -ს საფუძველი ჩაეყარა 2003 წელს ბაზარზე უკვე კარგად დამკვიდრებული მწარმოებელის M&Z Rubinetterie-ის მიერ, რომელიც შეიქმნა 1973 წელს. დაარსებისთანავე კომპანია ორიენტირებულია, მიაწოდოს მომხმარებელს მაღალი ხარისხის მქონე ექსკლუზიური პროდუქტი და გაიზარდოს კომერციული თვალსაზრისით, რასაც მტკიცე საფუძვლად უდევს მუდმივი სწრაფვა ინოვაციებისადმი. მწარმოებელი ქარხანა და ძირითადი ოფისები თავმოყრილია ბოლზანო ნოვარესეში, ონკანების მწარმოებელი ტერიტორიის ცენტრში. ამ ეტაპზე M&Z -ს დასაქმებული ჰყავს 200 ადამიანი და მიიჩნევა იტალიის ერთერთ წარმატებულ შემრევი ონკანების მწარმოებელ კომპანიად.