რატომ მაინცდამაინც MAPEI (მაპეი) და რა კომპანიაა იგი?
ამ ბრენდის წებოცემენტს,ჰიდროიზოლაციას თუ სხვა პროდუქციას ჩვენი მომხმარებელი უკვე კარგად იცნობს.
მიუხედავად ამისა,ხშირად დასმულა შეკითხვა,რატომ მაინც და მაინც მაპეი და რითი სჯობს ის სხვას? სწორედ ამიტომ მინდა რომ გაგაცნოთ ეს კომპანია უფრო ახლოს.
მაპეი ცნობილია, მთელს მსოფლიოში,სამშენებლო მასალების პროდუქციის ყველაზე ფართო ასორტიმენტით (1500 ზე მეტი დასახელება): წემოცემენტი კერამიკული ფილისა და კერამგრანიტის ფილებისთვის როგორც გარე ისე შიდა გამოყენებისთვის,
წებოცემენტი ბუნებრივი ქვების დასაგებად,ღარების შემავსებლები და ჰერმეტიკი, წებოცემენტი კედლისა და იატაკის მოსაპირკეთებლად,საძირკველის მოსამზადებელი ყველა სახეობის მასალა,ეგრეთწოდებული “გრუნტოვკა”,ჰიდროსაიზოლაციო და წყლის შემაჩერებელი შემადგენლობები,თერმო და ხმის საიზოლაციო მასალები,ფასადების დამცავი და მოსაპირკეთებელი მასალები, აღმდგენელი და დამცავი მასალები ბეტონისთვის,არქიტექტურული ძეგლების სარესტავრაციო სპეციალური სისტემები, და სხვა.
კომპანია MAPEI დაარსდა 1937 წელს იტალიის ქალაქ მილანში და ამ წლიდან მოყოლებული აწარმოებს ქიმიურ პროდუქციას სამშენებლო ინდუსტრიისათვის.
ამ მომენტისათვის კომპანია ითვლის 67 შვილობილ კომპანიას,58 ქარხანას 27 ქვეყანაში 5 კონტინენტზე. მისი ბრუნვა 2019 წლის მონაცემებით 2,8 მილიარდი ევროა.
ყველაზე მთავარი ის არის რომ კომპანია მაპეი ძალიან დიდ მნიშვნელობას ანიჭებს მეცნიერებას,მეცნიერულ კვლევებს და მიღწევებს.
თავისი ბრუნვის 5% ხოლო თანამშრომლების 12 % ს ის სწორედ მეცნიერულ კვლევებში ინვესტირებს. ამ კვლევების და ინვესტიციების 70% კი,ისეთი პროდუქციის წარმოებას ახმარს, რომელიც გარემოსთვის არის უსაფრთხო და რომელიც ზუსტად პასუხობს საერთაშორისო, ეკოლოგიის და გარემოს დაცვის მსოფლიო სტანდარტებს.
გარდა ამისა MAPEI არა მხოლოდ თავისი გაყიდვების ქსელს აფართოებს მსოფლიოში,არამედ ტექნიკური მხარდაჭერის სერვისსაც სთავაზობს როგორც სამშენებლო კომპანიებს,ასევე კერძო მესაკუთრეებსაც. კომპანიას MAPEI დიდი წვლილი მიუძღვის ისტორიულ–კულტურული ძეგლების აღდგენასა და რესტავრირებაში მთელი მსოფლიოს მსშტაბით.