როგორ შეიქმნა პარკეტი

როგორ შეიქმნა პარკეტი  

პარკეტი ნებისმიერ თანამედროვე ინტერიერის ჟურნალში შეგიძლიათ აღმოაჩინოთ. გემოვნებით გაწყობილი გვერდებისა და ელეგანტური ოთახების თვალიერებისას, იატაკზე უმეტესად პარკეტი შეგხვდებათ. სწორედ ამიტომ, შესაძლოა ისიც იფიქროთ, რომ პარკეტი თანამედროვე სამყაროს გამოგონება და მიგნებაა, თუმცა ეს სიმართლეს სულაც არ შეესაბამება. პარკეტის იატაკს გრძელი და საინტერესო ისტორია აქვს, რომელსაც დღეს მოგითხრობთ. 

რა არის პარკეტი?

გვიანი შუასაუკუნეების ევროპაში, როდესაც საყოფაცხოვრებო სახლები ბელეტაჟის ტიპის მოწყობიდან სართულებიანზე გადავიდა და შესაბამისად, ზედა სართულების ოთახებიც ხშირი გამოყენების სივრცეებად იქცა, წარმოიშვა ზედა სართულების ხის ფიცრის იატაკით დაფარვის საჭიროება. საზოგადოება მალევე გადაერთო თავდაპირველი გამოყენების უხეში ფიცრებიდან, მეტად დელიკატურ ნიმუშებზე. ეს პროცესი, ალბათ, საუკუნეების განმავლობაში ევროპის სხვადასხვა რეგიონსა და ქვეყანაში ერთდროულად მიმდინარეობდა. ის, რასაც დღეს პარკეტის იატაკს ვუწოდებთ, არის ის, რაც სწორედ ამ პროცესის შედეგად წარმოიქმნა. 

პარკეტის ნიმუშების ტიპები

საუკუნეების განმავლობაში, პარკეტის მრავალი სხვადასხვა ტიპის ნიმუში, იგივე პატერნი არსებობდა. მათგან კი, ყველაზე ცნობილი იყო: 

• ჰერინგბონი (ინგლისური ნაძვისებრი სტილი);
• კვადრატისებრი ნაქსოვი პარკეტი;
• შევრონი (ფრანგული ნაძვისებრი სტილი);
• აგურისებრი სტილის განლაგება;
• ფიცრული სტილის განლაგება.

პარკეტის ისტორია 

ის, რაც დღეს პარკეტის სახელითაა ცნობილი, ვარაუდობენ, რომ მეთექვსმეტე საუკუნეში საფრანგეთის შატოში წარმოიშვა. როგორც ექსპერტები ამბობენ, პარკეტი შესაძლოა ფრანგული გამოგონება ყოფილიყო ან 1530-იან წლებში, ეკატერინე მედიჩისა და მასთან დაახლოებული წრის მეშვეობით, ანუ იტალიური კულტურის გავლენით, იტალიიდან შესულიყო საფრანგეთში. რაც დანამდვილებით ცნობილია, იმ პერიოდში, ეკატერინეს სასახლეში - ფონტენბლოში - მუშაობდნენ იტალიელი არქიტექტორები, რომლებიც სასახლეს რენესანსის სტილში ამუშავებდნენ. მიუხედავად იმისა, რომ ზუსტი ცნობა არ მოიპოვება ამ დროისათვის იატაკის პარკეტით გაწყობის შესახებ, ვარაუდია, რომ სწორედ იტალიელმა არქიტექტორებმა ჩააქსოვეს სასახლეში არსებული პარკეტის იატაკი. 

მოგვიანებით, 1620-იან წლებში, მარია მედიჩიმ, პარიზში ახლად აშენებულ ლუქსემბურგის სასახლეში, თავის გარდერობში დაამონტაჟა დახვეწილი პარკეტი, რომელიც იტალიური ტექნიკით იყო ჩაქსოვილი. იქედან გამომდინარე, რომ მარია მედიჩის ლუქსემბურგის სასახლე ევროპაში ერთ-ერთ ყველაზე გავლენიან და დახვეწილ სასახლედ ითვლებოდა, უდავოა, რომ პარკეტის სწრაფ გავრცელებას სწორედ სასახლის პოპულარობამაც ძალიან შეუწყო ხელი. 

პარკეტი მეცხრამეტე საუკუნიდან დღემდე

მეცხრამეტე საუკუნე, ინტერიერის დიზაინის კუთხით, ყველაზე ცნობილია "სტილების ბრძოლით", რაც გამოხატული იყო არქიტექტურისა და დეკორაციების სიმრავლით, მათ შორის:

• ნეოგოთიკური
• ნეობერძნული 
• ნეოროკოკო
• ეგვიპტური
• პომპეური
• და სხვა. 

ამ პერიოდში, მეწარმეებს, რომლებიც მიზნად თავიანთი წარმოების მაქსიმალურ ზრდას ისახავდნენ, სურდათ საზოგადოებისათვის მიეწოდებინათ პარკეტი, რომელიც საშუალებას მისცემდა ადამიანს თავისუფლად გამოეყენებინა არა რომელიმე კონკრეტულ სტილში, არამედ ისეთ სპეციფიკურ სივრცეშიც კი, როგორიც მაგალითად, ეგვიპტურ სტილში გაწყობილი ბილიოთეკაა. მათდა საბედნიეროდ, პარკეტის დახვეწილობა მდგომარეობდა იმაში, რომ პარკეტის იატაკი ნებისმიერი ინტერიერის პირობებში, საუკეთესო ალტერნატივად რჩებოდა.  

"სტილების ბრძოლის" ექსცესები შეუმჩნეველი არ დარჩენილა მოდის ექსპერტებისათვის. ისეთმა რეფორმატორებმა, როგორიც იყო ჩარლზ ისტლეიკი, კრიტიკის ქარცეცხლში გაატარა მანქანით ნაქსოვი ხალიჩა, რომელსაც იმ პერიოდში, მასიურად აწარმოებდნენ და აქტიურად სთავაზობდნენ მომხმარებლებს. გასაკვირია, თუმცა ფაქტია ისიც, რომ ნაქსოვი ხალიჩისგან განსხვავებით, ისტლეიკმა ნაქსოვი სტილის პარკეტი მოიწონა და უფრო თავშეკავებულ დიზაინად, კარგი გემოვნების გამოხატულებად მიიჩნია. 

როგორც ამბობენ, ისტლეიკის გავლენა მოდის ფორმირებაზე იმდენად მძაფრი იყო, რომ მისი დადებითი შეფასების შემდეგ, პარკეტის იატაკი კიდევ უფრო პოპულარული გახდა და შეიძლება ითქვას, თითოეულ სახლში შეუცვლელი ადგილი დაიმკვიდრა. სწორედ ასე მოვდივართ 21-ე საუკუნემდე და როგორც დღევანდელი ტენდენცია მეტყველებს, პარკეტი არანაკლები პოპულარობით სარგებლობს თანამედროვე სამყაროშიც. 

პარკეტის ფართო არჩევანი საქარველოში

მათ, ვინც პარკეტის შეძენითაა დაინტერესებული, ხარისხიანი და ელეგანტური დიზაინის მქონე იატაკის შეძენა სავაჭრო ცენტ "იდეალში" შეუძლიათ. "იდეალი" თავის მომხმარებელს სამშრიანი პარკეტის დიდ არჩევანს სთავაზობს. სავაჭრო ცენტრის შოუ რუმში, ამ ეტაპზე, მრავლადაა წარმოდგენილი  ცნობილი ნორვეგიული ბრენდის  BOEN -ის პროდუქცია, რომელიც დახვეწილ, მყუდრო და თანამედროვე გარემოს ქმნის, თქვენს სახლსა თუ ოფისში.