როგორ მოვუაროთ ლამინატს? როგორ მოვუაროთ პარკეტს?
როდესაც უკვე აარჩევთ თქვენი ინტერიერისთვის სასურველ იატაკს, მნიშვნელოვანია მისი თავდაპირველი იერსახის შენარჩუნებაზეც იზრუნოთ.
გთავაზობთ ხის იატაკისა და ლამინატის მოვლის მარტივ წესებს:
თუ თქვენს პარკეტს ზეთოვანი ლაქის ფენა აქვს, სველი ტილოთი მოწმენდის შემთხვევაში თანდათან გამუქდება, ამიტომ მაქსიმალურად გაწურული ტილოთი ან სპეციალური სითხით უნდა მოხდეს დამუშავება, რომელთაც ეტიკეტზე აღნიშნული აქვთ რომელი მათგანისთვისაა განკუთვნილი - დაზეთილისთვის თუ გალაკულისთვის.
სველი, კარგად გაწურული ტილო ლამინატის შემთხვევაშიც გამოგადგებათ, თუმცა ცხადია, სპეციალური, სწორად შერჩეული, ლამინატისთვის განკუთვნილი სითხე უკეთესად მოუვლის მას, აღარ დაჭირდება რამდენიმე მოსმა და შესაბამისად, პრინტს მექანიკური დაზიანებისგან დაიცავს.
ჩვენს შოურუმში წარმოდგენილია Quick step ტექნოლოგიით დამზადებული, მაღალი ტენიანობისთვის განკუთვნილი ლამინირებული იატაკი, რომელიც გამოგადგებათ სამზარეულოსა და აბაზანის იატაკისთვის, დამუშავებულია სპეციალური გელებით შიდა მხარეს და კუთხეებში, მისი დამზადებისას გამოყენებულია წიწვოვანი ხის მასალა, ამიტომ უკეთესად ძლებს ტენიან ადგილებში და იდეალური გადაწყვეტილებაა სტუდიოს ტიპის სახლებში.
რაც შეეხება მექანიკურ დაზიანებას, ის პარკეტის შემთხვევაში მეტად შესამჩნევია, ქუსლიანი ფეხსაცმელი, ავეჯთან კონტაქტი, მას მეტად ეტყობა. ხარისხიანი ლამინატი მეტად მდგრადია მექანიკური დაზიანების მიმართ, ჩვენს შოურუმში წარმოდგენილ ლამინირებულ იატაკს 20 – 30 წელი აქვს ექსპლუატაციის ვადა, რომელიც შესაბამისი მოვლის პირობებში თავდაპირველი იერსახით ძლებს.
ლამინატისგან განსხვავებით, პარკეტის ექსპლუატაციის ვადის გაზრდა შესაძლებელია მოხვეწით (ე.წ. ციკლოვკა). მასიურისგან განსხვავებით, სამშრიანის მოხვეწა მხოლოდ რამდენიმე მილიმეტრის აღებით შეიძლება.